ازاى تبقى رخـــــــــم ؟؟؟؟؟؟؟؟؟؟

تعرف تبقي رخم ؟؟؟؟؟؟؟؟؟؟؟؟؟؟؟؟:

قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها .

• هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول.

• و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " .

• لما حد يشكى لك من حاجه قوله أنا عندى مشاكل أكتر منك.

• فى مطعم... بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟.

• كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .

• و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت .

• بعد عشر دقايق ، اعمل نفس الحركه تانى .

• و انت بتتكلم مع شخص ما ، ماتبصش فى وشه أبدا .

• و انت بتتكلم مع شخص ما ، افضل مركز فى وشه اوى .

• طول ما أنت قاعد مع زمايلك ، صفر موسيقى نشيد بلادى بلادى .

• علق فانوس كبير فى الشارع و حبال زينه ، بشرط ميكونش فى رمضان !!! .

• أتكلم مع الناس بصوت الروبوت .

• أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! .

• و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه .

• فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا .

• اعزم ناس فى حفلات ناس تانيه "عيد ميلاد او خطوبه او فرح ..." .

• سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! .

• أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .

• فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! .

• لو واقف جنب حد بيعد فلوس و فى وسط ما هوا بيعد قول اى رقم عشوائى "862" .

• العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! .

• و أنت ماشى فى حته اى حاجه تقابلك طبل عليها .

• البس جراب زى الجراب اللى بيتحط فيه المسدس .. بس حط فيه الريموت كنترول .

• غير القناه قبل نهايه الفيلم او الماتش او المسلسل بخمس دقايق .

أضحك لواحده ماتعرفهاش فى الشارع وقولها بصوت عالى " ازيك .. عامله ايه؟!!

منقول للرخامه ههههههههههههه
اختكم
koookooo flower

عدد الرسائل : 306 تاريخ التسجيل : 09/07/2008

بصراحه كوكو مالكيش حل
الباشا باشا

مشكورة يا كوكو بس انا مش عايز ابقا رخم
انا عايز ابقا محبوب اعمل اية ؟

شكرا علي المرور و ردودكم الجميله ده
وبعدين يا m2k نصحتي متعملش حاجه خااااااااااااااااااااااااااااااالص لانك مش محبوب

انت اكتر من محبوووووووووووووووووووب بكتير بمواضيعك الممتعه واسلوبك الراقي
اختكم
kok

مشكورة يا كوكو

انا لا اجامل
اني اقول الحقيقه ولو كان السيف علي رقبتي
شكرا علي مرورك مره تانيه يا m2k
اختك
kok

يا ساتر
يا خرابى
دا لو فى حد كدة اضربة بالنار
طبعا اللى مش عاوز يبقى رخم يعمل العكس
مشكووووورة كوكو

كلنا هنعمل العكس طبعا يابرنس
بس بلاش توسخ ايدك بدم برضه في طرق تانيه كتيير
ههههههههههههه
شكرا علي تشريفك
kooookooo

عدد الرسائل : 680 تاريخ التسجيل : 24/07/2008

جميل موضوعك يا كوكوو Very Happy

زائر

يالهوي علي الرخاااااااااااااامه

انالوحدعمل معاياكده

عااااااااادي

والاهعبره

هههههههههههههههههههههههههههه

تسلمي ياقلبي علي التوبيك

تسلمولي يا احلي اعضاء ( همس ودعاء)
وشرفتوني بجد
تحياتي ليكم
koookooo

» دى كانت تبقى مصيبه
» ازاى تكونى متميزة بين الناس