يا رب تسمعنى يا..........

عدد الرسائل : 117 تاريخ التسجيل : 10/08/2008

قصة واقعية منقولة لاخ عزيز

يوميات ابو السيد ...
دخلت امي غرفتي فوجدت المناديل الكلنكس فى كل مكان

ايده يا واااااااد كل دي منديل على الارض كنت بتعمل ايه يا منيل وايه العياط ده كله مالك يا بني ؟

ثم
اقتربت من شاشة الكمبيوتر ونظرت فى وجهي وقالت اه هو ده اللى موديك فى
داهية يا منيل كنت بتعمل ايه ... اوعي تكون انحرفت يا ابو السيد ... من
ساعة ما جبنالك الكمبيوتر والنت وانتا مش على طبعتك بتعمل ايه يا
واااااااد ؟

ابو السيد : يا امي مش ناقصك روحي البسي النظارة عشان تشوفي كويس ... ده فيلم السادات يا امي ؟

امي : يلهوي الحقوووووووووووني يا ناس ابني بقي شيوعي ..

ابو السيد : شيوعي ايه يا امي ما انا فى حالي اهوه ؟

امي
: هي الست ام اشرف من ساعه ما قالتلي عليك وانا مش مطمنه مربيلي دقنك
ومسلكي كتب ورايح وجاي انا قلبي كان حاسس ... خلاص ابني راح ابني راح ....

ابو السيد : يا اااااااااامي ارحميني بقي ...

امي : ارحمك يا وااااااد تعالى هنا انا مش ها سيبك ..

ابو السيد : والله لو قربتي مني ها عمل للكمبيوتر ريستارت واموت نفسي ...

امي : انتا بتهدنني يا ابو السيد ...

ابو السيد : ايوه بهددك انا هاسبلك البيت وانزل اتمشي خليكي بقي قعدة مع ام اشرف ؟

وبعد قليل خرج ابو السيد ليتجول فى الشارع ...

واثناء
المشي اتت سيارة بوكس كحلي ..... وانقطعت كل الاتصالات بأبو السيد بعدها .
بعدما سمعنا صوت يقول....... هتووووووووووه .اأرموه فى البوكس .

ابو السيد : هو فيه ايه هو في ايه ...

واحد لابس اسود : بس يا كلب .

ابو السيد : اديني سكت انتم خطفتوني ليه ؟

وبعد قليل رموه على ارضيه مبلله وكشفوا الغطاء عن عنيه ...

واذا برجل يشبه موسوليني يقترب منه ..

موسوليني : قولي ياد ايه علاقتك بمصر ؟

ابو السيد : مصر مين ؟

موسوليني : انتا هتستعبط .............

وصرخ بصوته الغليظ وشكله كان متنرفز من ردي قائلا : شنيروه .

ابو السيد : لا بلاش شنيروه خلاص انا ها أعترف .

موسوليني : ايوه كده نبقي حبايب ... قولي بقي ايه علاقتك بيها .؟

ابو السيد : والله يا حاج الموضوع كبير اوي يطول شرحه انتا عاوز تعرف ليه ؟

موسوليني : يا بني انتا شكلك عاوز تتشنير ........ شنيروه .

ابو السيد : ايه ياعم بهزر معاك ..... خلاص يا رجاله وبعدين هو كل ما يقولكم شنيروه تشنيروه . احنا مصريين برضه .

ثم سقط الضوء على رجل يجلس على كرسي عملاق وملامح هذا الرجل تشبه هتلر .

ابو السيد : اشطة شكلى وقعت فى غرزة تاريخية .

هتلر : انتا قولت ايه ياد ......... كلنا مصريين .......

ابو السيد : لا انا بهزر كلنا ولاد تسعه يعني .

موسليني مقاطعا هتلر : طيب كلمنا شوية عن بلدك يا ابو السيد . بتحب مصر ؟

ابو السيد : لا والله ابدا دا انا بكرهها ...

هتلر : ايوا كده شكلك شاب متعاون تحب تشتغل معانا يا ابو السيد .

ابو السيد : اشتغل ايه ؟

ثم سقط الضوء على رجل يجلس على طبيله وشكله كان بياكل ... يشبه ايهود براك .

ايهود براك : تشتغل شغلانة هتأكلك الشهد

ابو السيد : اكيد بس ايه هي الشغلانة هاقف فى محل بلاي ستيشن ولا هقف فى سيبر .

ايهود
براك : لا يابني انتا اكبر من كده .... احنا هانديلك مرتب ما تتخيلهوش ولو
عاوز تمسك رئاسة الجمهورية وتبقى الريس نخليك الريس كمان .

ابو السيد : يا راجل .

ايهوبد براك : عربيات وهتكون عندك ... شقق فى الساحل الشمالي .. وهيبقي عندك طيرات ودبابات لو تحب .

ابو السيد : طيب هاشتغل ايه ..

ايهود براك : هاهاهاهاها قوله يا موسوليني .

موسوليني : تحب تشتغل على عربية فول .

ابو السيد : يااااااه كل ده عشان عربية فول ..

هتلر : وهانخليك اشهر من ابو ربيع بعربيه الفول دي .. هنخلي محمد احمد يقفل قدامك وجاد يفتح كشك سجاير .

ابو السيد : طيب واكل منين انا يعني لما ابو ربيع يقفل .

موسوليني : انا قولت الواد ده غبي ........ يا رجاله شنيروه .

ابو السيد : ايه يارجاله بهزر هو الهزار قلب جد ولا ايه .

هتلر
: عاوزينك تقف بعربية الفول دي قدام المجمع النظري من الساعة 10 الصبح
للساعه 12 الظهر وبعدين تطلع على المجمع الطبي وبعدين تنزل على علوم وتاخد
لفه قدام الهندسة وتركن قدام الكلية التكنولوجيه وتحود على كام مدرسة فى
ايدك كده .

ابو السيد : ما اطلع على الصحراوي احسن ... انتم بتهزروا كل ده بحتت عربية فول ... ليه عربية بالاجنحة؟؟؟ .

ايهود براك : عيب عليك يا ابو السيد ... انتا بتشك فى قدرتنا ولا ايه مالكش دعوة بس وكل حاجة هتكون عندك ؟

وبعدين يا سيدي انتا كل اللى عليك بس تجبلنا الربح بتاعك واحنا هنجبلك كل اللى انتا عاوزه ...

ابو السيد : والله شغلانة كويسة مافيش مشاكل ........ وانا موافق .

هتلر وموسوليني وايهود براك . حبيبنا يا ابو السيد . يلا نلعب ماتش بلاي ستيشن بمناسبة الاتفاقية الجميلة دي .

وتاني يوم نزل ابو السيد بعربيه الفول قدام ابو ربيع .

وبدأ الطلبة يشتروا منه ويوم بعد يوم انتشرت عربيات فول ابو السيد فى كل مكان وفي يوم .

و كان يجلس ابو السيد فى منزله

امي : يا وااااد يا ابو السيد .

ابو السيد : ايه يا امي ....؟

امي : يلا عشان تفطر ؟؟؟

ابو السيد : ماشي ماشي ... وتوجهت للصفرة ومعدتي تمتليء بالعصافير الجعانه .

امي : ايه رأيك بقي يا ابو السيد فى الفطار ده .

ابو السيد : اما ادوق .... والله كويس ..........

وبعد قليل ....... ايده يا امي . الفول ده غريب كده ليه ؟

امي : يا بني اصل لقيت ابو ربيع قفل وجاد باع كل محلاته ومحمد احمد بقي بيسرح بسجاير فى محطات الاتوبيس .

ابو السيد : ايده كل ده حصل امتي .

وخرج من البيت بسرعه مهولة ليتجول فى شوارع المدينة .

لأجد اغلب المحلات مقفله واغلب الشباب قاعدين على الارصفة ..

اقتربت من احدهم وهو يبكي . قائلا : منك لله يا ابو السيد منك لله ... اهيء اهيء اهيء .

ابو السيد : ايه ياعم بتدعي على الراجل ليه هو عملك ايه ؟

الشاب
المسكين : انتا مش شايف يافندي المطاعم كلها قفلت وكل الشباب دول قاعدين
فى الشارع دلؤقتي بسبب الفول بتاعه والاسعار اللى بينزل بيها كل فترة
وبسبب حاجات كتير اوي ..؟

منه لله بيعنا بيوتنا وشردنا وقفل علينا باب رزقنا .

ابوالسيد : طيب انتم هاتعملوا ايه دلؤقتي ...

الشاب المسكين : ها نعمل ايه يعني ما خلاص اللى راح راح ..

ويوم تلو الاخر تنتشر عربيات الفول فى كل مكان والارباح فى جيوب اخونا البعدا

شعر ابو السيد انه اصبح اسم فقد ... شعر انه يبيع بلده يوم تلو الاخر .

فذهب اللى مكان لقاء ايهود براك وموسوليني وهتلر .

ابو السيد : ايه يا خوانا الشباب هيموتوا من الجوع محالات كتير بدأت تقفل كده هايبقي شكلى وحش اوي .

هتلر : ايه يا ابو السيد .... انتا مش شغال معانا ولا ايه .

ايهود براك : احنا قولنالك لو عاوز تشغل مصريين معاك فى المطاعم بتعتك شغلهم انتا حر ..

ابو السيد : اشغلهم واديهم المرتبات بتعتكم دي اللى مش بتأكل حتى طوب ارض ؟؟

موسوليني
: ايه يا ابو السيد ما تفكرش كتير يا حبيبي كلنا هنا واحد وبعدين عيش
واتهني كله شغال اهوه ومافيش حاجة بتحصل انتا بس مستهيألك ؟

وخرج
ابو السيد من وسطهم يشعر بالاسي والحسرة لا يعرف ماذا يفعل يوم تلو الاخر
اكثر المطاعم تعلن افلاسها امام مطاعم ابو السيد ...

فى كل مكان يتجول فيه يجد الشباب يقتلون انفسهم ويوم تلو الاخر ...

خرج ابو السيد متجها الى البحر يشكوا له همه ... حتي سمع صوت شاب يجلس بجوار صديقه . وهو يتحدث ويبكي قائلا .

:
كل حاجة اتقفلت قدامي يا صحبي كل حاجة ... حتى المطعم اللى كنت شغال فيه
فلس وما قدرش يصد قدام محلات كنتاكي و وماكدونلز ومحلات ابو السيد ...

ولما
قولت خلاص انزل اشتغل فى اى مطعم منهم لقيت المرتب ما يكفيش حتي اجيب بيه
ميه معدنية .... البلد اتباعت يا صحبي ... وينهار بالبكاء على كتف صديقه .

وبعد سماع ابو السيد قول هذا الشاب المسكين بدأ يبكي فقد سمع كلام من يبحثون عن انفسهم ...

ومالبث ان توجه لسيارته ووضع قديمه داخلها وانطلق اللي لقاء موسوليني وهتلر وايهود براك ..

ابو السيد : ايه يا اخونا عب عليلكم تضحكوا عليا انا اسكندراني برضة وابن بلد وافهمها وهي طايره .

موسوليني : هاهاهاهاها ........ طيب يا ابيض تحب بقي ناخد منك كل فلوسك دي ولا نقشرك جزء جزء ما انتا مالكش حاجة عندنا .

ابو السيد : ايه الكلام ده ...... اومال مين اللى شغلكم المطاعم دي كلها ..

هتلر
: لا يا حبيبي اوعي تكون فاكر ان انتا عملت حاجة ... دي الفلوس بتعتنا هي
اللى عملت ... انتا يدوبك كل اللى انتا عاوزه اخدته .

ابو السيد : طيب والمحلات دي كلها ..... انا اللى فتحالكم وانا اللى دخلتكم بلدي ووافقت احط ايدي فى اديكم ؟

ايهود براك : معلش بقي يا ابو السيد كلنا لها ... وبعدين مافيش حد بيتعلم ببلاش ..

ابو السيد : اشطة عليكم ........ يعني الشباب قعدين فى الشوارع مش لاقيين شغل و بيوت كتير اتقفلت وكمان فلوسي فى جبكم ..

ايهود
براك : معلش معلش يا ابو السيد حصل خير ... تعالى معانا بقي عشان فى ضيف
مستنينا فى الصالون اكيد هتحبه ... ده زيك بالظبط ...

وتوجه ابو السيد معهم للصالون ليجلس وحيدا يفكر فى ما يفعله كي ينقذ ما يمكن انقاذه ...

وفجأة دخل صديق ابو السيد .... ليقوم ابو السيد مفزوعا ...

ابو السيد : ايه اللى جابك هنا يا تامر ...؟

تامر : بشتغل معاهم يا ابو السيد ...

ابو السيد : لا يا صحبي ما تقعش زيي دول شله حرامية ..

تامر
: حراميه ازاى بس يا ابو السيد دول قالوا كام عرض يخليني ملك ... يا بني
ده بيقولولي لو اشتلغت معانا احتمال نخليك تبقى رئيس الجمهورية دي ؟؟

ابو السيد : لا يا تامر اسمع كلامي .. دول هيبيعونا البلد ... صدقني دول ضحكوا عليا مش عاوزهم يضحكوا عليك ...

تامر
: ايه يا ابو السيد دول عاوزني اشتغل معاهم هفتح محل ملابس ظريف كده فى
محطة الرمل كل اللى هعمله اشتغل فيه بس وهما عليهم كل حاجة بعد كده ...

ابو السيد : اسمع كلامي تامر ... والله هيبعونا البلد ...

تامر
: يبعونا البلد ايه يا بني ........ انتا من ساعه ما رحت البحر معانا اخر
مرة وانتا بتقول حاجات غريبة .. هيبعونا البلد بمحل ملابس ليه يعني ...

ابو
السيد : يا تامر انا السبب فى ان محلات ابو ربيع تقفل وجاد ومحمد احمد انا
السبب فى الشباب الكتير اللى بقوا مالين الشوارع بعد ما سابوا شغلهم فى
المطاعم دي بعد ما فلست ... كل ده بسببي يا تامر

كانت اولها
عربية فول ..... انتهت بمطاعم.... وكل يوم بتكبر وكل يوم بيدخل جيبهوم
ملايين وانا يدوبك فرحان بالكام فيلا والكام عربية اللى كتبنهم بأسمي
واحتمال كمان يخدوهم مني ... اسمع كلامي يا تامر ..

اسمع كلامي يا تامر ... قبل ما تكون سبب فى بيوت كتير بتتخرب ... فكر فى كلامي يا تامر قبل ما تحط ايدك فى اديهم ..

فكر فى كلامي يا صحبي قبل ما تبيع نفسك عشان الفلوس ... قبل ما يضحكوا عليك ويقولولك ده استثمار ..

مافيش استثمار يخليك تبيع بلدك .... ابعد عنهم وعن افكارهم ... ابعد عن حوراتهم ابعد يا صحبي

النهاردة
بيعوك نفسك بكره يبيعوك اهلك وناسك وارضك حتى النوم مش هتعرف تنامه ولا
هاطول دنيا ولا اخره ... هتتعذب بالفلوس وضميرك بيموت وهتموت وانتا بايع
مستقبل بلدك وشبابها ...

يارب تسمعني يا.................تأليف وكتابه : ابو السيد

مع تحياتى sama

هههههههههههههههههههههههههههههههه
قصة مؤثرة فعلا ولازم الواحد ياخد بالة من مطاعم ابو السيد
تقبلى مرورى
m2k

عدد الرسائل : 680 تاريخ التسجيل : 24/07/2008

مشكوره سما على القصه
تقبلى تحياتى

يا رب تسمعنى يا.......... 691058888

سألت الحياة:
متى تكونين صديقة لي
قالت:
لما يكون الموت صديقا لك

زائر

الله الله الله الله
مشكورة انتى واللى كتبها واللى نقلها عن اللى كتبها واى حد ساهم فى انه ينشرها
الموضوع دا معناه كبير يا رب محدش ياخدنا امن دوله

زائر

يسلمو ياقمر

تقبلي تحيااااااااااااااااااااااتي