&&&& محكمة الحب والرومانسية &&&&

زائر

محكمه الحب والرومانسيه

الحب والرومانسيه كلنا طبعا عارفنهم كويس
بس احنا بقا عملنا المحكمه عشان نعرف الحب والرومانسيه عن كل وحد فينا

فكره الموضوع ان كل مره هنستضيف عضو معانا فى المنتدى وهيدخل معانا فى المحكمه وهيبقا فى قفص الغرام
وتتم المحكمه

وعلى الجميع الاتزام بكل قواعد المجكمه الحكم هيكون عادل باْذن الله
وياريت يكون الاجابه صادقه

احنا عاملين المحكمه عشان كل وحد فينا يقف قدام نفسه
مره وحده بقلبه وياريت اللى يدخل المحكمه يكون عقله بعيد عن رده

قواعد المحكمه

1- الاجابه عن جميع الاسئله بكل صراحه..........

2- تكون صادق

3- لاتحاول ان تبعد عن مضمون الموضوع

فكره الموضوع جميله جدا وهتعجبكوا يا جماعه ياريت كلنا نشارك كلنا نبقا مع بعض

وياريت محدش يفهم الموضوع غلط احنا مش هنخش فى خصوصيات حد احنا عاملينا محكمه عن الحب والرومانسيه

يا ريت الموضوع يعجبكوا و يشتغل يا رب

انا مستنى موافقتكم و بعدين هيتم اخيار العضو انشاء الله

المحكة هتتكون من قاضى والشهود وهم الاعضاء انشاء الله والقاضى هيكون انا لن لم يكن هناك اعتراض لو كان هناك اعتراض فليتفضل من يريد
ثم اللفر المختار لمحاكمتة
والله انا اصلا ميهمنيش اكون انا القاضى او اى حد تانى المهم عندى الاستفادى كما ذكرت سابقا
اما نشوف باة هتتكسفوا زى كل مرة ولا هتتجراوا وتتدخلو المحكمة سواء شهود او تتحاكموا
وانا متاكد انكوا مش هتكسفونى

&&&& محكمة الحب والرومانسية &&&& 000u051rMP9

عدد الرسائل : 117 تاريخ التسجيل : 10/08/2008

حلوة الفكره يا ريد سكاى
بس يا رب متحكمش احكام محدش يقدر عليها
وعن نفسى موافقه انك تكون القاضى
اختك نغمه تائهه

زائر

شكراا سما او نغمة على مشتركتك لموضوعى المتواضع
فين بقيت الاعضاء
او مرة اشوف محكمة فاضية كدة

[/center]

انا كمان موافقة جدا جدا وارشح فعلا انك تكون القاضى

الموضوووووووووووووووع شغاااااااااااااااااااااااااااال
ومش مهم القاضي مين اد ما المهم انه يحكم بالعدل
وده طبعا هيتوفر فيك باذن الله
اختك
koookooo

زائر

تحياتى لاحلى اعضاء وارحب بكى حلم معنا فى المنتدى
وشكراا لانضمامكم الى فى الموضوع
والله يا جماعة ما اعرف حاجة من غيركوا

ترقــــــــــــــــــــــــــــــــــــــــــبوا

سيكون هناك بين كل قضية 3 ايام
وستبدا القضية الاولى بالبنات
هتاولولى لية
ladies first
وبعد ذلك رجل وهكذا
ولكم الحق فى المشاركة ببعض الاسئلة بشرط الا يزيد عن 3 اسئلة
وايضا الحق فى التشاور على الحكم

شكراااا احلى واجمل وارق اعضاء

زائر

&&&& محكمة الحب والرومانسية &&&& 00000007

هـــــــــــــــــــــــــــــ تنبــية ـــــــــــــــــــــــــــام

ستبدا مدة القضية من يوم وضعها على المنتدى
واذا كان عند احد اعضاء اسئلة يشارك بها فليتفضل فى نفس يوم اختيار العضو
يجب ان نحترم خصوصية الاخرين فلا يجوز السؤال عن اسم او لقب وهكذا
اخر حاجة
هذة المحكمة لمحاكمة القلوب وليس اصحابها
فتعامل مع السؤال بقلبك قبل عقلك

قاعة المحكمة ترحب بكم

زائر

اعضائى حبايبى بعد اول رد بعد ردى هذا ستختار العضوة
هاااا جاهزييييين ولا اية النظام
يلا بينا

&&&& محكمة الحب والرومانسية &&&& 00000008

زائر

شكراا احبائى الاعضاء ولكن لم القى استجابة كافية
لقد انتظر ان تشلركوا برد ولكن لم يفعل احد
غدا سوف يزال الموضوع
لانى محبش احط موضوع زى قلتة
شكراا احلى اعضاء

مين قال ان الموضوع زى قلتة بس سورى اعذرنى انا مش فاهمة هل انت هتختار عضوة معينة وتسالها ولا احنا الى هنرشحلك العضوة وانا على استعداد انى اكون اول عضوة تتحاكم دة طبعا بعد اذنك

ربنا يستر ياريد اسكاي
انا والله النت عندي وحش خالص وده اللي مخليني مش موجوده دايما في المنتدي
ولو سمحت تعطي فرصه اكبر للرد يعني اكتر من يوم عشان النت وحش خالص خالص
وعلي فكره موضوعك جميل جدا وان شاء الله انا حاخد براءه او هطلع بكفاله ربع جنيه
ههههههههههههههههههه
koookooo flower

زائر

تحياتى احبائى الاعضاء بس والله غصب عنى الموضوع اتركن كتير
وانا مش اقدر اعمل حاجة من غيركوا
وعلى العموم حصل خير
اشكرك كوكو على المشاركة
اما بالنسبة للاختيار فانا الى هختار وزى ما اولت ابل كدة اول قضية هتكون عضوة ثم عضو وهكذا
شكراا لشجاعتك يا حلم
استفتاحنا زى الفل انشاء الله
بس عاوزكوا تقراوا الشروط كويس

زائر

الله يعينكم

بس علي فكره المفروض تعمل اقتباس للفكره لانها من نفس فكره كرسي الاعتراف

سلااااااااااااام

زائر

اليوم احبائى الاعضاء ستكون اول قضية
وهى اول قضية وطبعا لازم تكون الاسئلة متخمة
سورى ياااا ...... انا عارف انك قدها وشكلك كدة انتى الى فيهم
معانا انهاردة فى قاعة المحكمة

^
^
^
^
^
^
^
^
^
^
^
^
^^
^
^
^
^

حـــــــــــــــــلــــم

يلا جهزى نفسك وايدك جمبك كدة ادام سيادة القاضى
ههههههههههههههههههههه
خدى بالك الشغل شغل

ربنا يكون فى عونك يا حلم الواد دة مشكلة ربنا يستر وتطلعى براءة
تقبلوا مرورى m2k

انا مستعدة ومنتظرة الاسئلة وان شاء الله خير[img][/img] Embarassed

انا على اتم استعداد

انا على اتم استعداد

زائر

انتي وقعتي يا حلم ربنا يكون في عونك

زائر

مـــــــــــــــــــــــحـــــــــــــــــــــــــــــــــــــــــــــــــــــــــــــــــــكـــــــــــــــــــمـــــــــــــــــــــة

الجزء الاول

كلام في الحب

تعريف الحب عندك ؟ وهل بتؤمنى بيه ؟ 1

أيه رايك في الحب من النظرة الأولى .. هل فعلا في حب .. من النظرة الأولى ؟ 2

انتى ممكن تحبى من النت .. ولا .. لا ... وليه ؟ 3

هل انتى بتخافى من الحب ؟ 4

ليه دايما معروف عن بعض الناس انة صاحب القلب الميت يعنى خالى من مشاعر الحب 5
هل انتى الشخص دة؟

هل انتى مش محتاجة للحب فى حياتك او تقدرى تعيشى من غيره؟ 6

هل الغيرة ضرورية في الحب و ما دورها ؟ سلبي أم ايجابي؟ 7

هل يتغير الحب بعد الزواج؟ من وجهة نظرك 8

البعد في الحب يخفف المشاعر أم يلهب الأشواق ؟ 9

مع وجود الحب بين الطرفين يشترط وجود السعادة من وجهة نظرك؟ 10

11 أمتى تحسى انك بتحبى حد معين .. أو ايه هي احاسيسك ومشاعرك وأنتى في حالة حب .. ويا ترى ممكن تعترفى للي بتحبيه .. أنك بتحبيه .. ولا هتترددى ؟

لما بتحبى ترتبطى بواحد .. هتدورى على واحد مكنش ليه في موضوع الحب قبل 12 كدة .. ولا الموضوع مش هيبقى فارق عندك لأنك حبتيه خلاص ؟

هل اتعرضتى قبل كدة انك حبيتى حد ومقدرتيش تصرحيله بحبك ؟.. وهل في حد13حبك وأنتى مش حبيتيه ويا ريت تقوليلنا الموضوع ؟

هل الانجذاب لشخص معين يعني حب في النهاية ؟ 14

15ممكن تعترفى بحب حد .. وانتى مش بتكونى بتحبى الحد دا .. يعني تكونى مجرد منجذبة للشخص دا .. وهل ممكن تتقربى له لمجرد أنك شايفة فيه حاجة واحدة بس حلوة تتوافق مع شخصيتك ؟

هل أحترتى قبل كدة في تفسير أنجذابك لشخصية معينة ؟ 16

ايه وجهة نظرك في الفرق في سن الحبيبين .. سواء البنت أكبر أو البنت أصغر .. قوليلنا رايك في الحالتين ؟ 17

أيه رد فعلك لو ولد قال لكى انا بحبك .. ؟ 18

الجزء الثانى

تأثير الرومانسية عليكى

ما مقدار تأثير الفيلم الرومانسي عليكى 1

أكتر أغنية رومانسية بتأثر فيكى ؟ وليه الأغنية دي بالذات ؟ 2

أيه اكتر نوع في الورد بتحبيه وتحسى أن هو ممكن يعبر عن كلمة حب جواكى 3

أيه رأيك في القصص الرومانسية .. وممكن تتأثرى بقصة معينة بتقرايها 4

أكتر قصة حب أو أعجاب عشتيها أو شوفتها وأثرت فيكى 5

منظر شوفتيه في يوم واثر فيكى جداً 6

أيه الحاجة اللي ممكن تخليكى تبكي من شدة الحزن .... ومن شدة الفرح بيها 7

حلم ياريت تفتكرى ان مدة القضية 3 ايام
اوك
يلا
ورينا الشجاعة

يااااااااااااااااااااااااااااااااااااااااااه كل ده اسئله
براحه ياريد اسكاي علينا لحسن شكله الواحد هي اوم 10 محامين وياعرف ياخد البراءه يا معرفش
وربنا معاكي بجد يا حلم
لو احتجتي حاجه يا حلم متقوليش ليا عشان انا بجد معرفش Sad

اختك
koookooo flower

ربنا يكون فى عونك بجد يا حلم الاسئلة تقيلة جدا يلا كلنا لها
هههههههههههههههههههههههههههههههههههه

Very Happy

ههههههههههههههههههههههههههههههههههههههه
تقبلوا مرورى
m2k

ج1 الحب عندى معناة
الحب احلى شىء فى الوجود من غيرة مفيش حياة الحب تضحية وارضاء وعطاء بلا حدود وطبعا انا بؤمن جدا با لحب ج2 فى اعجاب من اول نظرة لكن حب من اول نظرة مظنش لان الحب اعمق كتير من مجرد النظرة 3 بالنسبة للحب على النت هو ممكن بالنسبة لاشخاص لهم صفات معينة وهو انهم يبقوا صادقين وبيستخدموا النت فعلا لاغراض محترمة للتعارف والصداقة المحترمة لكن للاسف دة مش موجود دلوقتى فبالتالى الحب الصادق مش هيبقى موجود الا بوجود الصدق والاحترام 4_ لاانا مش بخاف من الحب 5_لالالا انا قلبى حيوى جدا وبينبض بالحب 6_ لا مقدرش اعيش من غير حب 7_الغيرة ضرورية فى الحب ودورها ايجابى بالنسبة للمحبين الى بيحبوا فعلا بجد وعقلهم كبير لكن سلبية جدا للمتهورين الى مش بيفكروا ويعقلوا الامور 8_الحب ممكن يتغير لو الطرفين استسلموا لظروف الحياة والمعيشة ومحافظوش على خصوصية الحب كل حبيب لازم يحتوى حبيبة بعيد عن اى ظروف زى مفى وقت للشغل والطبيخ والتنضيف بعد الجواز فى بردة وقت للحب والرومنسية 9_البعد يلهب الاشواق 10_ الحب هو الى بيوجد السعادة 11_ بحس انى بحب شخص معين لما الاقى نفسى عايزاة جنبى على طول عايزة اشوفة بيضحك دايما عايزة اعملة اى حاجة نفسة فيها بشوفة احسن انسان فى الدنيا لما اشوفة حزين قلبى يوجعنى لما اشوفة بيكلم بنت تانية ابقى عايزة اخبطهم فى راس بعض الاتنين هههههههههه كدة يعنى مظنش ان انا ممكن اعترف الاول بالحب لازم هو يبتدى الاول اصلى صراحة بالنسبة للحب انا تفكيرى رجعى شوية بحس ان الراجل هو الى لازم يبتدى لانة الراجل 12_لا مش هيفرق لانى هكون وقعت ومحدش سمى عليا وخلاص 13_اة فى حد حبنى وانا مش حبيتة 14_لا الانجذاب مش شرط يؤدى للحب لان ممكن ببساطة انجذب لشخص وبعدين اكتشف فية عيوب تخلينى مقدرش احبة 15_ لا مش ممكن 16_ لا مظنش حصلت قبل كدة 17_فرق السن من وجهة نظرى مش بيمثل صعوبة لو كان مقبول يعنى متجيش تقولى ان الفرق عشرين سنة مثلا هيبقى صعب جدا هيبقى اختلاف اجيال
18_لو ولد قالى انا بحبك كبداية وشى هيحمر سواء كنت بحبة او لا

الفيلم الرومانسى بياثر فيا جدا بالذات لو كان فية تضحية من الحبيب واحسن فيلم رومانسى بحبة هو مدينة الملائكة بطولة نيكولاس كيدج وميج رايان
2_اغنية هتفضل فى قلبى لجوانا ملاح واغنية تفتكر لصابر الرباعى بحبهم لان الاولى بتعبر عن الاستمرارية فى الحب والتانية بتعبر عن استحالة ترك او جرح الحبيب
3_ الوردة البلدى الحمرا المقفولة
4_بحب القصص الرومانسية وممكن تاثر فيا فعلا سواء بالفرح او بالحزن
5_لا يوجد
6_لا يوجد
7_لو حبيب او حبيبة سابت حبيبها او جرحتة او جرحها ممكن ابكى فعلا وافرح اوى لو قصة حب توجت بالجواز

موضوع جميل ريد اسكاى اوووووووى
وبالمناسبة دى انا عجبنى اوى ردود حلم على الاسئلة
ومش هعقب عليها
انما هسئلها 3 اسئلة
1- امتى عرفتى انك حبيتى بجد
2-اية هو الموقف اللى حسيتى منة انك مش ممكن تستغنى عن حبيبك ومتقدريش تعيشى من غيرة
3- امتى تحسى انك مش ممكن تعيشى مع حبيبك واية هو الموقف اللى لو حصل مش هتستمرى معاة
شكرا يا حلم ومنتظر الرد

» الحب ما الحب....!
» ***** الخطيئة فى الحب *****
» حوار بين الحب والحزن
» طيور الحب !!!!
» حتى الحب لة قاموس!!!!!!!!