الحلقه الاولي من(كرسي الاعتراف)

زائر

السلام عليكم ورحم الله وبركاته

اهلا بيكو يا احلي اعضاء

انا عامله الموضوع ده واسمه ((كـــــــــــــرســـــــــــــــــي الا عـــــــــــتــــــــــراف))

يعني انا هختار عضو وكل واحد من الاعضاء يدخل يسال هذا العضو اي اساله تخطر له علي بال

ومده الجلوس علي الكرسي هي اسبوع واحد فقط

وانا بختار اول شخص هينور الكرسي هو

اتفضل سيادتك معايه اقعد علي الكرسي

الحلقه الاولي من(كرسي الاعتراف) 258b1bdc1c

الحلقه الاولي من(كرسي الاعتراف) 258b1bdc1c

هو مدير المنتدي(((*الــــــــــــــــــبرنـــــــــــس*)))

يارب يكون الكرسي مريح

ويالا بينا نبدا الاسئله

ها مستعد

الاسم.......

السن.........

المؤل الدراسي...........

محل الاقامه..............

الحاله الاجتماعيه..................

ما رائيك في الحب.......................

ماذا تعني لك هذه الكلمات(حقد**خيانه**حب).............

باقه ورد علي من تنثرها...................

مارئيك في هؤلاء الاعضاء((همس الغدير**نغمه تائه**كوكو**دودو))..............

عمرك ظلمت حد قبل كده................

كام مره حكت علي بنت.................

من هو مثلك الاعلي...................

من تحب اكثر(والدك **والدتك))ولماذا.....................

مارئيك في الموضوع......................

ما رائيك في صاحبه الموضوع...................

انا عارفه اني طولت عليك بس اعمل ايه الكرسي عاوز كده

دول شويه اسئله كده علي قد ماقسم

رد انت عليهم وهرجعلك تاني

لسه في اسئله جايه كتيرررررررررر

يارب مكنش دايقك

تقبل تحياااااااااااااااااتي

والله الموضوع فكرتة لذيذة وجريئة بس
مع احترامى وتقديرى فى اسئلة انا مضطر امتنع عن الاجابة عليها
وعلشان يكون المنتدى منظم انا هعمل منتدى اسمة كرسى الاعتراف
وهنقل الموضوع فية
مشكووووووورة يا دعاء على الفكرة

استر يا رب

نبتدى الاجابة

1- اسمى محمد

2-عمرى 35سنة

3-المؤهل الدراسى مش مهم

4-محل الاقامة المحلة الكبرى

5-الحالة الاجتماعية/ مش مهم

6-رائيى فى الحب /الحب اسمى وافضل من انة يتكلم علية شخصى الضعيف انما انا هحاول اقول رائيى الحب دا حاجة لذيذة من غيرها منعرفش نعيش لو مفيش حب مش هيبقى فية تسامح مش هيبقى فية رحمة بيننا والحب انواع طبعا الاول الحب الافلاطونى اللى هو حب من غير دوافع ودا فى نظرى افضل انواع الحب وهناك حب الاب لابنة والام لولدها والزوج لزوجتة احيانا بيكون بينهم حب تقليدى بس اقوى انواع الحب اللى بيكون بين المحبين وخصوصا لما بيكون حب حقيقى ايييييييييييييييييية اقول اية والا اية عن الحب يلا حصل خير

7-كلمة حقد تعنى كل شىء بغيض اراة فى عيون من لا يحبون لى الخير
كلمة خيانة /تعنى طعم المرار عندما تاتى الخيانة من الذى اثق فية ولا اتوقع منة الخيانة
كلمةحب/ لو تعرفنى كويس وتعرف شخصيتى هتعرف يعنى اية حب ودا مش معناة انى احبك حب العاشقين
ممكن احبك حب اخوى او حب ابوى او حب صديق لصديقة او حب من يخاف عليك ولا يرضى لك الالم
اما حب العاشقين ففى القلب من يشغلة ولن يشغلة الا من استحقة

8-انثر باقة الورد على الانسانة الوحيدة التى استحقت ان تشغل قلبى وعقلى هى تعرف نفسها كويس ومش مهم اسمها لان اسمها ليس كاسامينا انما اسمها ممكن ان نطلق علييها ملكة الاحساس- وكفى

9-اما بالنسبة لرائيى فى عضوات المنتدى همس الغدير نغمة تائهة كوكو دودو هم اخواتى وعضوات المنتدى وانا تشرفت بعضويتهم وارى ان المنتدى قائم على اسهاماتهم واسهامات باقى الاعضاء لهم منى كل التقدير والاحترام

10-للانسان هفوات ولقد ظلمت نفسى كثيرا /ربى انى ظلمت نفسى ظلما كثيرا وان لم تغفر لى وترحمنى لاكونن من الخاسرين

11-مش فاهم يعنى السؤال دا كام مره حكت علي بنت

12-مثلى الاعلى رسول الله صلى الله علية وسلم

13-احب ابى وامى حبا جارفا ولا اجد فارقا بينهم الا فى تفضل رسول الله صلى الله علية وسلم لما قال للصحابى احق الناس بحكم صحابتى امك وكررها ثلاثا

وحسبى ان اقول دعاء سيدنا سليمان لما تفقد الطير وراى الجيوش مجتمعة من الانس والجن فقل - رب اوزعنى ان اشكر نعمتك التى انعمت على وعلى والدى وان اعمل صالحا ترضاة وادخلنى برحمتك فى عبادك الصالحين صدق الله العظيم

14-رائيى فى الموضوع موضوع رائع وتقييمة عندى 5 نجوم

15-صاحبة الموضوع تستحق كل تقدير واحترام ومكافاءة لها على نشاطها وقريبا مفاجاءة لها

جميل اوعي يادعاء الموضوع ده وانا بشكرك عليه وبجد مجهود عظيمه
وانا في انتظار باقيه الاعضاء
بس رجاء اخريني شويا عشان الواحد يكتسب خبره من ردود السابقين

اختك
koookooo flower

عدد الرسائل : 680 تاريخ التسجيل : 24/07/2008

ايه يا دودو الورطه الى بترمينا فيها دى

عموما يا عيونى انا مش محتاجه اسئله فهمانى طبعا Wink

انا هادخل اتفرج وخلاص

الحلقه الاولي من(كرسي الاعتراف) 577721582

[/img]

زائر

موضوع لذيد بجد والله الذ من المانجة
وكمان الفكرة تستهل التقدير
مشكور يا جميل
بس بما انك انتى صاحبة اختيار العضو فلابد ان يكون هناك مساواة بين الاعضاء وان يخرج اختيارك دون اى ميول وبعدين فى معانا اعضاء عارفة بعضها بس فى نفس ذات الوقت فى اعضاء مش تعرف بعضها فاياريت هذا الموضوع يقربنا كتر ونعرف بعض اكتر عشان نعمل شغل اكتر مش عاوز ارد على مجرد اسماء
اتمنى تكونى فاهمانى
اسف طولت عليكوااااااااااااااااااااااااااا

الحلقه الاولي من(كرسي الاعتراف) 96471780

الحلقه الاولي من(كرسي الاعتراف) 96471780

زائر

ايه يا ست دعاء انتى دخلتى سألتيه ومشيتى مش هتقوليلنا رأيك فى البرنس بتاعنا ولا ايه

عدد الرسائل : 110 تاريخ التسجيل : 07/07/2008

طيب انا مش هتكلم ولا اقول حاجة
هوا سؤال واحد بس يافخايدة
سؤال واحد بس
مستعد
اية رايك فى المراة.,.؟؟؟؟؟؟؟؟؟؟؟
دا بعد اذن طبعا صاحبة الموضوع دعاء

اصل انا بصراحة عامل حملة ضد المراة

زائر

اهلا بيكم يا احلي اعضاء

انا اسفه علي التاخير

بس للاسف كنت تعبانه شويه

وطبعا البرنس لا يحتاج ان اقول في رائي

فهو مدير الموقع

ومن احسن الشخصيات

بس كان المفروض ان جميع الاعضاء يسالوه ازي بالظبط

ومن النهارده نداء لجميع الاعضاء

بالدخول لكي يسالو البرن

وديه تاني دفعه للبرنس من الاساله
(يارب مترضش من الموقع)

ما رئيك في القضيه الفليسطينيه؟؟؟

ما رئيك في السيد الرئيس محمد حسني مبارك؟؟

مارئيك في قضيه العراق؟؟

ما رئيك في قضيه السودان؟؟

مارئيك في امه محمد الان(الشباب*البنات*الرجال*النساء*العجائز)

ماذا تفعل لو كنت(رئيس للجمهوريه&قائد جيوش المسلمين&عالم من علماء الائمه)

هل تحفظ شئ من القران الكريم؟؟

هل انت مدخن؟؟

وديه شويه اساله كده علي قد ماقسم

ويارب تعجبك

واستناني هجيلك تاني

صحيح مشكورين يا احلي اعضاء علي المرور

نور التوبيك

زائر

الف سلامة عليكى يا دعاء
اهلا بيكى من جديد
بس على فكرة المنتدى كان مضلم
مش بثبت والله
المهم
انا ملاحظ انها مش مستاهلة اسئلة من الاعضاء كمان
حاسس بيك والله يابرنس
ربنا يكون فى عونك
حاولى تقللى من الاسئلة شوية اوك
عشان الواحد كدة هيمل من اعدة الكرسى
اوك يلا سلاام واشوفك فى المحكمة
مرة تانية
حمدلله على السلامة

زائر

يسلمووووووووو

نور التوبيك

والف شكر ليك

تحياتي لك

زائر

انا مضتره افتح توبيك الثاني ب مش هقفل التوبيك ده غير لما يدخل البرنس ويرد علي الاسئله

وانا هدخل واختم واقفل التوبيك

اهلا دعاء /اهلا اخوانى واخواتى الاعضاء والزائرين
انتى المرة دى زودتيها شوية يا دعاء
انا فين من القضية الفلسطينة او ازمة السودان او اقول رئيى فى السيد رئيس الجمهورية/
او او او او او او
عموما انا هرد بس بقدر الاستطاعة لان بردو لما هييجى دورك هعرف ازاى احطك فى المواقف الجميلة دى
رئيى فى القضية الفلسطينية /هو انى لما بشوف اطفال الانتفاضة فى التليفزيون او اسمع اخبارهم بحس بالخزى والضعف والعار /وللاسف دا مش شعورى لوحدى دا شعور ناس كتير بتغير على دينها وبتغير على اخواننا فى فلسطين بيعانوا واحنا هنا بناكل وبنشرب وعادى وممكن كمان نبقى بنتابع الاخبار وشايفين المجازر واحنا بنتفرج على التلفزيون سبحان الله لما بتخيل نفسى فى موقف اخوانا فى فلسطين متتصوروش اد اية حجم المعاناة اللى بمر بيها بس ارجع واقول احنا كدة بينطبق علينا حديث رسول الله صلى الله علية وسلم حيث قال /يوشك ان تداعى عليكم الامم كما تتداعى الاكلة على قصعتها قالوا او من قلة نحن يومءذ يا رسول الله قل لا بل كثييييييييييييير لكنكم غثاء كغثاء السيل صدق رسول الله صلى الله علية وسلم ولن ينصلح حالنا الا بالرجوع الى الدين والتمسك بتعاليم الاسلام
اما عن رئيى فى السيد الرئيس حسنى مبارك انا طبعا مش عارف اقول اية والا اية والا اية
بس طبعا كلنا طبعا حاسين بالتغير الرهيب اللى فى البلد وازاى ان كل واحد فينا عايش عيشة هانئة وكلها رخاء وما شاء الله يعنى كل مشاكلنا محلولة ومطالبنا مجابة ومفيش حد بيعانى من الضغط ولا المواصلات ولايعنى بصراحة كدة تقدرى تقولى احنا بنعيش فى عصر الرخااااااااااااء
والانفتاااااااااااح وووووووووووووو مش عارف اعدد المزايا طبعا انتوا فاهمين وربنا يستر
بالنسبة للعراق رئيى مش بيختلف كتير عن رئيى فى القضية الفلسطينية وان كان الغازى العدو تغير يعنى بدل اسرائيل بقت امريكا والله المستعان
لما بنظر لقضية السودان بحس ان البشير راجل بحق وقف فى وجة امريكا وتحداها
بالرغم من ان كلنا عارفين امريكا عاوزة تحط رجليها فى السودان لية اليوانيوم والبترول اللى فى دارفور وضع السودان فى وضع الفريسة امام امريكا يلا ما علينا حصل خير
رئيى فى امة محمد صلى الله علية وسلم حاليا/تابع ردى على اول سؤال
لو كنت رئيسا للجمهورية ولقلبت وضع البلد راسا على عقب بمعنى اولا تغير الحكومة /وضع الدستو الاول فى البلد هو الحكم بما انزل الله فى الكتاب والسنة/اجعل هناك رقابة على التلفزيون بحيث لا يبث شرا للناس/اجعل هناك قاضى للقضاة يقاضيهم اذا اخطئوا /وطبعا قبل اى شىء مساندة كاملة للقضية الفلسطينة /وجميع قضايا الامة الاسلامية / ان استدعى شبابنا فى جميع انحاء العالم لتعمير البلد ودراسة العلم وان يكون هناك اكتفاء ذاتيا من كل شىء /ان احول اى رسوم جمركية من الدولار الى الجنية المصرى كقناة السويس والموانىء والمطارات والاستيراد والتصدير /ان اجعل هناك قانون فى البلد يلزم كل فرد على الصلاة وقت الصلاة فى المسجد
ان اقيم الحدود الشرعية على مخالف العقيدة ومرتكب الجرائم والقاتل /كان تقطع يد السارق ويقتص من القاتل ويرجم الزانى او يجلد لو كان غير متزوج/وهكذا يعنى فى حاجات كتيرة اوى فى دماغى مش هقدر اقولها كلها نظرا لضيق الوقت
يا خرابى يا دعاء انتى بتحطينى فى كل موقف واخوة يلا ما علينا
الحمد لله احفظ من القران ما يسرة ربى لى
نعم انا مدخن ولكن بسيط جدا يعنى ممكن 3 سجاير طول اليوم وممكن سيجارة واحدة وممكن مفيش يعنى التدخين مش حاجة ضرورية فى حياتى

طيب يا دعاء صبرك عليا

زائر

اخيرا وبعد محاولات كثيره دخل البرنس ورد علي الاسئبه الموجه له

وفعلا ايجابات مقنعه جدا

وفعلا كان اسبوع جداااا رائع

واستمتعنا جدا مع البرنس

وتابعونا دايما علي كرسي الاعتراف

واحب اشكر جميع الاعضاء ويارب يكونو استمتعوا معانا

تابعونا
سلااااااااااااااااااااااااام

» الحلقه الثانيه من(كرسي الاعتراف)
» الحلقه الثالثه من(كرسي الاعترااااااف)
» الحلقه الرابعه(كرسي الاعترااااااااااف)
» اثاث منزلى كرسي انتيك مودرن غاية فى الجمال والحجم الرائع