مهـــ،،ـــــم لـــ،،،ــكل بـــــــ،ــــنت

.. لو ربنا فك عقدتك.. وأتخطبتى.. فإليكى نصائحي حتى تأخذى بخطيبك من مركب الخطوبة إلِّي محدش عارف هاترسى على إيه.. إلى مثوااااها الأخير في قفص النسانيس.. قصدي قفص الزوجية ..
أجمل ما في الخطوبة العزومات الرومانسية
على أحلى محلات أكل فى البلد
واللي عمرك مانتى شايفها بعد الجواز.. المهم نصائحي لك عند أي عزومة مع خطيبك.. طبعا الرقَّه


الأول لازم تعرفى إن الشوكة والسكينة بيتمسكوا من إيديهم من الطرف يعني
مش م الوسط ولا من البوز زي الخنجر ولا من فوق طبعًااا


العيش أوعي تفضحينا وتقطعيه بسنانك.. ولا الرغيف نصين بأيدك وكلى نص لقمة
وأوعي تحشري.. .. العيش بيتقطع بالسكينة ف الطبق.. و تاخدى لقمة.. لقمة..
بالعافية.. قال يعني نفسك مسدودة..
اضغطى على أعصابك جدااا
وبعدين لما تروَّحى.. إبقي حِفِّى زي ماانتِى عايزه....


الشوووربة.. أبوس راسك.. بند الشوربة ده مهم جدًاا, الشوربة تتشرب من


غير صوت خالص.. ومن غير ماتقعدى تنفخى فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتحطيها على بقك ف البيت.. وتدلدق على روحك, بالمعلقه وبدون صوت.. حتى لوسخنة وولعة برضه بدون صوت.. وتسيبي تلت الطبق ع

الأقل.. مش تمليه.. عشان تلهطيها لآخر نقطه




الرز طبعاً .. بيتاكل بالشوكة.. أوع إيدك تتمد علي المعلقه وتغرفى من طبق الرز وتعبي.. إوعي.. الرز بالشوكة.. وكأنك بتبوسيه




المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلصى وبعدين تحطيها ف بؤك من سكات.. مش تشفط المكرونة عود عود..




السمك.. مشكلة.. شوفي.. بتفصلي اللحم

عن الشوك.. إزاي..؟؟ تقطعى اللحم
من النص.. بالطول وبعدين تفردي اللحم ع الجانبين ولما تخلصي ناحية..
متقلبيش السمكة.. بلاش فلح.. شيلي السلسلة
بالشوكة والسكينة وحطهيا ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك
وخلصي نفسك






الجمبري.. -إذا كنتي عارفه أساساًً-.. أول ماطبق الجمبري ينزل.. بصيله بقرف

واحتقار شديدين.. آل يعني زهقانه من كتر أكل الجمبري الجامبو ف بيت
بابااااا.. وأتنهيدى جامد وقولي.. برضه..؟؟؟ وتروح قاطعه راس الجمبريياية..بالشوكة.. أنا ف عرضك إنسي المصمصة دلوقت..





البطاطس سواء مسلوقة أو محمرة.. أوعي تهرسهيا وتدبيها ع الرز وتدي

لا..لآ...لآ...بالشوكة حتة حتة وإنت زي ما تكوني هاتعيطي من كتر
ماالبطاطس صعبانة عليك






الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي

مقفولة.. وبعدين في طفايةالسجاير اللي ع الترابيزه.. أوع ياحبيبتي من
نظام التفتفة للبذر.. إنسي دا ايتيكيت ....






ولما تخلصى أكل تحطى إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كده

أنا قدامي أسبوع.. هابطل أكل فيه.....وبعدين تمسكي الفوطة اللي دايمًا موجودة ع التربيزة من غير لازمة..
وتبوسيها.. آل يعني بتمسحي بؤك..
وبعدين تستأذني منه لدخول التواليت وتخشي التواليت وتطلعى من جيبك.. لفة
الفول والطعمية اللي جايبها معاكي.. وبالهنا والشفاااااااااااا





مع تحياتي و تمنياتي بخطوبه من غير فضائح




و أى خدمه








انـنـا لا نـختـار حـين نحـب
و لانـحب حيـن نـختـار
والـحـب قـدر
وقـدرنا لانـعـرف لـةالـتـبديـل